თბილისი, ქუთაისი თუ ბათუმი — რომელი აეროპორტიდან გაფრინდეთ

საქართველოდან საერთაშორისო ფრენა სამი აეროპორტიდან სრულდება — თბილისი, ქუთაისი და ბათუმი. ერთი და იმავე მიმართულებაზე ბილეთის ფასი და განრიგი მათ შორის საგრძნობლად განსხვავდება, ამიტომ არჩევანი მხოლოდ სახლთან სიახლოვით არ უნდა გააკეთო.

თბილისი — ყველაზე ფართო ქსელი

დედაქალაქის აეროპორტს ყველაზე მეტი მიმართულება და ყველაზე მეტი ავიაკომპანია ემსახურება. აქედან ფრინავენ როგორც სრულსერვისიანი გადამზიდავები, ისე ლოუქოსტები, და სწორედ აქ არის ყველაზე მეტი ტრანზიტული ვარიანტი შორეული მარშრუტებისთვის.

თუ მარშრუტი რთულია — რამდენიმე გადაჯდომით ან შორეულ კონტინენტზე — თბილისის აეროპორტი თითქმის ყოველთვის საუკეთესო ამოსავალი წერტილია.

ქუთაისი — ლოუქოსტების კვანძი

ქუთაისის აეროპორტი ძირითადად დაბალბიუჯეტიან ევროპულ მიმართულებებზეა ორიენტირებული. სწორედ აქედან იპოვი ხშირად ყველაზე დაბალ ფასებს ცენტრალურ და აღმოსავლეთ ევროპაში.

გასათვალისწინებელია ორი რამ: განრიგი ხშირად ღამის საათებშია და თბილისიდან ტრანსფერს დრო და ფული სჭირდება. თუ ამასაც ჩათვლი და ფასი მაინც ბევრად დაბალი გამოვა, ქუთაისის აეროპორტიდან ფრენა გამართლებულია — მით უმეტეს, რომ Wizz Air-ის ფრენების დიდი ნაწილი სწორედ აქ არის თავმოყრილი.

ბათუმი — სეზონური, მაგრამ მოსახერხებელი

ბათუმის აეროპორტი ძირითადად სეზონურად აქტიურდება და დასავლეთ საქართველოში მცხოვრებთათვის ყველაზე მოსახერხებელია. ზაფხულში მიმართულებების რაოდენობა იზრდება, ზამთარში კი იკლებს.

თუ აჭარაში ან მის მახლობლად ხარ, ჯერ ბათუმის აეროპორტის ვარიანტები ნახე და მერე შეადარე ქუთაისს — ორივე ახლოსაა.

როგორ ავირჩიოთ — სამი შეკითხვა

• რამდენად მოქნილი ხარ დროში? ღამის გაფრენა და ადრეული დაბრუნება იაფია, მაგრამ ერთ დღეს ფაქტობრივად ჭამს.
• გაქვს ჩასაბარებელი ბარგი? თუ კი, ლოუქოსტის ფასობრივი უპირატესობა შეიძლება გაქრეს.
• რა ჯდება ტრანსფერი? ქუთაისამდე მგზავრობა, სტოიანკა ან ტაქსი ბილეთის ფასს უნდა დაემატოს — მხოლოდ ამის შემდეგ შეადარე.

პრაქტიკაში ყველაზე მარტივი გზა ასეთია: აირჩიე მიმართულება, შემდეგ კი სამივე აეროპორტის ვარიანტი ერთად ნახე. ყველა მიმართულების სია და ფასების შედარება boing.ge-ის ძებნაშია ხელმისაწვდომი.